Ibabahagi sa presentasyong ito ang mga karanasan sa pagsasagawa ng pananaliksik ukol sa dayalektolohiya sa konteksto ng Pilipinas. Tatalakayin ang mga isyung bumabangon bago, habang, at pagkatapos ng pagsasagawa ng pananaliksik sa field. Isasaalang-alang ang iba’t ibang aspekto ng pananaliksik sa field linguistics, tungo sa tiyak na pagsasalarawan ng linggwistik na sitwasyon at pagtukoy ng bilang ng mga wikang sinasalita at ang varayti at baryasyon ng mga wikang sinasalita sa isang lokalidad.