Teksbuk para sa panimulang kursong Agham Panlipunan I. Ang mga babasahin ay isinulat ng mga batang guro na kumakatawan sa sampung disiplina ng Agham Panlipunan. Ang aklat ay may talatakdaan ng pansemestreng asignatura bilang giya ng guro at mag-aaral. Pinayaman ang ilang bahagi ng diagram, ilustrasyon, pigura at hanayan. Liban sa pag-aaral ng malawakang kalagayan ng mundo, itinataguyod ng teksbuk ang kultura at diwang Pilipino.

Salin ito ng akdang nakasulat sa Espanyol, isang pag-aaral lingguwistiko ng mga hispanismo o salitang espanyol na matatagpuan sa makabagong Filipino, batay sa komunikasyong pangmadla ng Filipinas tulad ng radyo, telebisyon, peryodiko at magazine. Isinagawa ang pag-aaral ayon sa iba’t ibang antas lingguwistiko: ortograpiko, ponolohiko, morpolohiko, semantiko at leksiko, upang alamin kung paano pumaloob at umangkop ang mga hispanismo sa wikang pambansa. Kasama rin sa pag-aaral ang frecuencia o dalas o porsentahe ng paggamit ng mga hispanismo sa kasalukuyan at kung paano ginagamit ng makabagong Flipino ang mga hispanismo para palawakin ang bokabularyong ito. Pinatutunayan sa akdang ito na buhay na buhay ang mga hispanismo sa Filipino.

Salin mula sa Espanyol ng mga gunita ng isang “kaaway” sa unang yugto at “kapanalig” sa ikalawang yugto ng Rebolusyong Filipino. Isang mestisong Espanyol, si Sityar ay opisyal ng Guwardiya Sibil na sumapi sa hukbong Filipino noong katapusan ng siglo 20.

Ipinaliliwanag sa aklat ang mga batayang kaalaman tungkol sa mga sakit ng halaman, gayundin, ang mga pamamaraan sa pagsugpo nito. Hindi magiging mabisa ang pagbibigay ng lunas kung hindi mauunawaan ang dahilan ng pagkakasakit ng mga halaman.

Teksbuk sa batayang kursong Pagpoproseso ng Pagkain. Pangunahing nilalaman ang mga karaniwan at madalas na ginagamit sa pagsusuri ng pagkaing dumaan sa germentasyon. Nahahati sa limang kabanatang tumatalakay sa mga uri ng fermentasyon, at uri ng mga pagkaing dumaan sa fermentasyon na gumamit ng iba’t ibang materyales.

Isang pag-aaral lingguwistiko (na nakasulat sa Espanyol) ng mga hispanismo o salitang espanyol na matatagpuan sa makabagong Filipino, batay sa komunikasyong pangmadla ng Filipinas, tulad ng radyo, telebisyon, peryodiko at magazine. Isinagawa ang pag-aaral ayon sa iba’t ibang antas lingguwistiko: ortograpiko, ponolohiko; morpolohiko, semantiko at leksiko, upang alamin kung paano pumaloob at umangkop ang mga hispanismo sa wikang pambansa. Kasama rin sa pag-aaral ang frecuencia o dalas at porsentahe ng paggamit ng mga hispanismo sa kasalukuyan at kung paano ginagamit ng makabagong Filipino ang mga hispanismo para palawakin ang kanyang bokabularyo. Pinatutunayan sa akdang ito na ang mga hispanismo ay tunay na kabahagi ng pambansang wika.

Bibliograpiya ito ng mga akdang naisalin mula sa mga dayuhang wika tungo sa Tagalog, Pilipino, at Filipino. Binabalangkas ang nilalaman ayon sa tradisyonal na pagyuyugtong pangkasaysayan: panahon ng Kastila (1593-1898); panahon ng Amerikano (1900-1940); panahon ng Hapon (1941-1945); at kasalukuyang panahon (1946-1998). Itinampok dito ang pagsasalin ng iba’t ibang anyong pampanitikan na malaganap sa bawat panahon. Kalakip din ang bibliograpiya ng mga lokal at dayuhang artikulo at libro tungkol sa pagsasaling-wika.

Layunin ng aklat na talakayin ang mga kaisipan na humubog sa kanluraning pananaw hinggil sa lipunan, ekonomiya, at politika. Labing-walong piling pilosopo mula sa klasikong panahon ng mga Griyego at Romano hanggang sa kontemporanyong panahon ang napapaloob sa aklat. Limang tema ang nag-uugnay sa iba’t ibang panahon na saklaw ng aklat: (1) layunin ng lipunan, (2) kalikasan ng tao, (3) mga uri ng estado, (4) pagbabago ng lipunan at estado, at (5) mga pangunahing isyu ng ekonomiya. Mabisang paraan ang ganitong paglalahad upang isalarawan ang ebolusyon ng mga kasalukuyang teorya sa larangan ng sosyolohiya, ekonomiks, at agham pampolitika. Higit na mauunawaan ang mga kontemporanyong usaping teoretikal sa agham panlipunan sa pamamagitan ng isang pananaw na tumutukoy sa kanilang pinagmulan.

Teksbuk sa kursong Matematika. Binubuo ng sampung yunit: I. Mga Paraan ng Pagbilang; II. Mathematical Induction; III. Ang Teoremang Binomial; IV. Seksiyong Conic; V. Mga Di-Tumbasan (Inequalities); VI. Mga Funsiyon at Relasyon; VII. Limit ng Funsiyon; VIII. Ang mga Derivative; IX. Mga Aplikasyon ng Differentiation; at X. Integration.

Ang aklat ay salin ng kalipunan ng mga liham ni Mariano Ponce na naging kinatawan o sugo ng Republika ng Malolos sa Hapon. Mahihiwatigan sa mga liham ang pagsisikap niya na kilalanin ng bansang Hapon ang bagong tatag na Republika.

Eksperimental at modelong diksiyonaryong Hiligaynon-Filipino na umaabot sa may 10,000 entri.

Ang Agham, Teknolohiya, at Lipunan ay naglalaman ng mga isinaling babasahin sa STS. Ang STS ay isang G.E. na kurso na kinukuha ng lahat ng estudyante anuman ang kanilang disiplina.

Isa sa mahuhusay na akdang prosa ng siglo 19 at itinuturing na prototipo ng nobelang Filipino. Layunin nitong maging panuto sa asal pansarili at pangkapwa-tao, bukod sa maging babasahing may layuning pastoral. Magkaagapay sa edisyong ito ang binagong anyo ng akda (edisyong 1907) at binagong anyo sang-ayon sa ortograpiya ng modernong Filipino.

Ang Botanikang Panlaboratoryo ay naglalaman ng mga pagsasanay tungkol sa mahahalagang konsepto sa larangan ng Botanika. Bawat pagsasanay ay nagsisimula sa isang maikling introduksiyon na sinusundan ng mga paliwanang at gabay kung paano isasagawa ang mga gawain na inaasahang magbunga ng mga makabuluhang obserbasyon at kasagutan sa mga katanungan. Nakatuon ang mga pagsasanay sa mga maaaring maranasan at masaksihan ng mga mag-aaral. Nilalayon ng activity-observation format na ito na makasanayan ng mag-aaral ang paraang siyentipiko.

Jose V. Abueva

Mga pag-aaral pangwika na nagsisikap na bigyang linaw ang mga elementong bumubuo sa wikang Filipino. “Isang uri ng pagwasak sa ilang paniniwala, akala’t alamat tungkol sa pambansang wika.”

Kauna-unahang libro na nagdodokumento ng mga kongkretong hakbang at aktibidad na binalangkas ng Kilusang Pambansa-Demokratiko sa pagpapahalaga at pagpapalaganap ng pambansang wika.

Pag-aaral sa mga nagawa at ginagawang pagpaplanong pangwika sa edukasyon sa Malaysia, Indonesia, at Pilipinas. Tulong sa sinumang interesado sa pagpaplano ng wika “dahil makikita sa paraan ng mga kongkretong pangyayari ang aplikasyon ng mga teorya, matagumpay man o hindi.”